خواطر2
بسأل نفسي انا ليه عايشه برغم ان كل الحاجات الي كانت بتربطني بالدنيا انتهت و كل لما كانت تتخلق جوية احلام او حاجات تربطني بالدنيا ترجع تتنتهي و تتكسر كان نفسي اخش معهد السينما ومش عارفه ليه كنت شايفة ان انا هبقى مخرجة مش ممكنة و فضيعة ومريعة وكل الحاجات دي و يوم ما رحت اقدم في المعهد رحت متاخرة 5 دقايق على شباك دفع الرسوم وضاع الحلم يا ولدي قلت لما اتخرج من الكلية ابقى اقدم قعدت في الكلية 7 سنين و لسه ما خلصتش حلمت ان انا اعمل فرح لاخوية مفيش زيه وان انا اقدر اساعده علشان يدرس الحاجة اللي بيحبها و يبني حياته مات و هو عنده 12 سنة حلمت اني اتجوز راجل دماغه زي دماغي و يدعمني ف كل حاجة الدراسة وشغل السياسة حبسني اربع سنين في البيت وتحولت الى زوجة تقليدية و لا كملت نضال ولا اتخرجت ولا اي تقدم في الدنيا واكتشفت ان كل الرجالة و بلا استثناء مدعيين والتقدمية عندهم انهم ميتجوزوش جواز تقليدي علشان ميبقاش عندهم اي مسؤولية او يناموا مع صديقاتهم برضوا من غير مسؤولية و باختصار مبقاش في الحياه غير حلم واحد ان بنتي تكبر و ماتبقاش زيي